Psa 14 | WSK | STEP | Kariimet ikia mena mu balsan, “Kaem mena!” masan. Nunga ikia maga saparam, se nuna kilek memek nunguningkiri bare la betesan. Ale bo ta kilek ningo diram me betesan.

Psalms 14

Kariimet nunga kilek memek ko den

(Devit ko wur bo)

1 Kariimet ikia mena mu balsan, “Kaem mena!” masan.

Nunga ikia maga saparam, se nuna kilek memek nunguningkiri bare la betesan.

Ale bo ta kilek ningo diram me betesan.

2 Kaem duruk te mu kariimet ali imi te mu nungarki kuawuwoso, awiriya kari ikia ago, se awiriya nu nup patawoso ware arigokko.

3 Bare mena. Nuna suen la lage ningo nubiring tuman,

ale kilek memek te nama sapaman.

Ale bo ta kilek ningo me betesan. Am mena biya.

4 Kaem iwita nunga balso, “Kilek memek betera ko kari alo nunga ikia mena e?

Nuna tom suen biya aninga kariimet nunga bita maguwusan, ale nunga kawel te, nunga daong alis te, saki alo nunga mel gisan ale te nungumik mel ago bagasan,

ale ani me aga aip patowasan.”

5 Bare Kaem nu kariimet diram mu arungak bagoso, se kari memek alo ninguru nguangomonko.

6 Nuna kariimet kituwura guat mu nunga ikia bitawasan mu maguwumonko ago kaesan,

bare Kari Biya nu nunga karem bagoso.

7 Ani Isrel nunga Saonga duruk Saion te aratuk ale tairukko ko angamang biyala aniso!

Mu awuk, tom Kari Biya ko kariimet Isrel nunga sanguk se aking yawarakala bagomonko, tom mu te nuna ninguru amilmilomonko!